I have a Solution that will reduce pressure on IIT aspirants but do not know how to get this across to HRD Minister of India. Suggestions are welcome. - Ram Krishnaswamy

Search This Blog

Monday, February 27, 2012

130 - Koshish Karne Walon Ki Haar Nahin Hoti,


Koshish Karne Walon Ki Haar Nahin Hoti,

Lehron se darkar nauka par nahin hoti,
koshish karne walon ki haar nahin hoti,

Nanhi cheenti jab daana lekar chalti hai,
chadhti deewaron par, sau bar phisalti hai.
Man ka vishwas ragon mein saahas bharta hai,
chadhkar girna, girkar chadhna na akharta hai.

Akhir uski mehnat bekar nahin hoti,
koshish karne walon ki haar nahin hoti.


Dubkiyan sindhu mein gotakhor lagata hai,

ja ja kar khali haath lautkar aata hai.

Milte nahi sahaj hi moti gehre paani mein,

badhta dugna utsah isi hairani mein.

Muthi uski khali har bar nahin hoti,
Koshish karne walon ki haar nahi hoti.

Asaflta ek chunauti hai, ise sweekar karo,
kya kami reh gayi, dekho aur sudhar karo.
Jab tak na safal ho, neend chain ki tyago tum,
Sangharsh ka maidan chhodkar mat bhago tum.

Kuch kiye bina hi jai jaikar nahin hoti,
koshish karne walon ki haar nahin hoti.



By Dr Harivansh Rai Bachchan